• Արփինե Հովհաննիսյանն առաջարկում է

    Արփինե Հովհաննիսյանն առաջարկում է ներման գործընթացը հրապարակային դարձնել ԱԺ նախկին խոսնակ Արփինե Հովհաննիսյանը ֆեյսբուքյան էջում հանդես է եկել ներման ողջ գործընթացը հրապարակային դարձնելու օրենսդրական փոփոխության առաջարկով։ «Ամփոփելով ներման գործընթացի հրապարակայնության վերաբերյալ իմ էջում արված հարցման արդյունքները՝ 82% ՝այո եւ 18%՝ ոչ, ինչպես նաեւ այս օրերին շարունակվող քննարկումները եւ տարբեր դիրքորոշումները՝ պարզ է դառնում, որ հասարակությունը պետք է հնարավորություն ունենա իմանալ՝ ինչ պայմաններում, ինչ չափանիշների հիման վրա է կոնկրետ անձին ներում շնորհվել։ Ասվածը ամենեւին չի նշանակում, որ ներման ողջ գործընթացը պետք է լինի հրապարակային, այլ այն, որ ներման գործընթացի որոշակի փուլում տեղեկատվությունը պետք է հասանելի լինի հանրությանը։ 1. Գործընթացի սկզբնական եւ միջանկյալ փուլերում հրապարակայնությունը կարող է ազդել վերջնական որոշման կայացման անաչառության վրա , այդ իսկ պատճառով կարծում եմ՝ ներման վերաբերյալ տեղեկատվությունը պետք է հրապարակվի վերջին փուլում, այսինքն՝ երբ նախագահը որոշում է ներում շնորհել կամ մերժել ներումը։ Ընդ որում՝ հրապարակայնեցնելով որ փուլում որ մարմինը ինչ որոշում է կայացրել։ Այս պարագայում մի կողմից որեւէ ճնշում չի կարող գործադրվել ներման գործընթացի մեջ ներգրավված անձանց նկատմամբ, քանի որ պահպանվում է գաղտնիությունը, մյուս կողմից էլ այդ անձինք կգործեն ավելի հաշվետու կերպով, քանի որ կիմանան, որ իրենց որոշման մասին ի վերջո հասարակությունը տեղեկանալու է։ 2. Սրա հետ մեկտեղ տուժողների եւ նրանց իրավահաջորդների իրավունքների պաշտպանության համար անհրաժեշտ է սահմանել ընթացակարգեր ներման գործընթացի սկզբնական կամ միջանկյալ փուլերում նրանց դիրքորոշումը լսելի դարձնելու համար։ Օրինակ` սահմանվի ներման գործընթացի վերաբերյալ տուժողին իրազեկելու ընթացակարգեր` միեւնույն ժամանակ ամրագրելով, որ տուժողը քրեական պատասխանատվության ուժով չի կարող հրապարակել ներման մասին տեղեկատվություն մինչեւ վերջնական որոշման կայացումը՝ ամեն տեսակ ազդեցությունից խուսափելու համար։ Այս համատեքստում ավելորդ չի լինի պետության կողմից «հաշտեցնող արդարադատության» մեխանիզմների կիրառման հիմքեր ստեղծելը: Կարծում եմ՝ նման կարգավորումները կվերացնեին այն մտահոգությունները եւ հարցերը, որոնք այսքան բարձրաձայնվում են վերջին օրերին։ Հաշվի առնելով հարցի կարգավորման վերաբերյալ լայն հանրային պահանջը՝ ես պատրաստ եմ տրամադրել օրենքում փոփոխությունների ամբողջական նախագիծ այն պատգամավորներին, որոնք կցանկանան հանդես գալ օրենսդրական նախաձեռնությամբ։ Հ.Գ. Ըստ էության ես այս առաջարկը արել եմ նաեւ նախկինում (բոլոր այն անձանց համար, որոնք զարմանում էին, թե ինչու եմ ես հիմա այս հարցին անդրադառնում)։ Հարցը այս պահին սրվեց ու դարձավ արդիական»,– ասվում է հրապարակման մեջ։

  • Վաղը Փարիզում հանդիպելու են Հայաստանի և Ադրբեջանի ԱԳՆ ղեկավարները

    Ադրբեջանի արտաքին գործերի նախարար Էլմար Մամեդյարովը Փարիզում հանդիպում է անցկացրել ԵԱՀԿ Մինսկի խմբի համանախագահների (Իգոր Պոպով՝ ՌԴ, Ստեֆան Վիսկոնտի՝ Ֆրանսիա, Էնդրյու Սխոֆեր՝ ԱՄՆ) հետ։ Հանդիպմանը մասնակցել է նաև ԵԱՀԿ գործող նախագահի անձնական ներկայացուցիչ Անժեյ Կասպրշիկը։ Քննարկվել է ղարաբաղյան հակամարտության կարգավորման բանակցային գործընթացը։ Հայաստանի և Ադրբեջանի ԱԳՆ ղեկավարների հանդիպումը Փարիզում կկայանա վաղը։

  • Նիկոլ Փաշինյանը ոչ ֆորմալ հանդիպում է ունեցել Վրաստանի վարչապետ Մամուկա Բախտաձեի հետ

    Վարչապետ Նիկոլ Փաշինյանը և Վրաստանի կառավարության ղեկավար Մամուկա Բախտաձեն հունվարի 15-ին ոչ ֆորմալ հանդիպում են ունեցել Վրաստանի Բոլնիսիում: Վրաստանի կառավարության ղեկավարը ևս մեկ անգամ շնորհավորել է Նիկոլ Փաշինյանին ՀՀ վարչապետ նշանակվելու կապակցությամբ և համոզմունք հայտնել, որ երկկողմ հետագա ակտիվ փոխգործակցութունը կնպաստի երկու հարևան ու բարեկամ պետությունների միջև տարբեր ոլորտներում համագործակցության զարգացմանն ու ընդլայնմանը: Նիկոլ Փաշինյանը շնորհակալություն է հայտնել շնորհավորանքի համար և ընդգծել հայ-վրացական հարաբերությունների կարևորությունը բոլոր ոլորտներում: Ոչ ֆորմալ հանդիպման ընթացքում զրուցակիցները մտքեր են փոխանակել երկկողմ հարաբերությունների օրակարգային մի շարք հարցերի շուրջ: Նիկոլ Փաշինյանը և Մամուկա Բախտաձեն կարճատև հանդիպում են ունեցել նաև հայերով բնակեցված Բոլնիսի գյուղի, որը նախկինում կրում էր Բոլնիս-Խաչեն անունը, բնակիչների հետ:

  • Ավետ Ադոնցը հետ է կանչվել Իսպանիայում ՀՀ արտակարգ և լիազոր դեսպանի պաշտոնից

    Հայաստանի Հանրապետության նախագահ Արմեն Սարգսյանը հրամանագիր է ստորագրել Ավետ Ադոնցին Իսպանիայի Թագավորությունում ՀՀ արտակարգ և լիազոր դեսպանի պաշտոնից հետ կանչելու մասին: «Արմենպրես»-ին այս մասին տեղեկացրին ՀՀ նախագահի աշխատակազմի հասարակայնության հետ կապերի վարչությունից: «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, Ավետ Ադոնցին հետ կանչել Իսպանիայի Թագավորությունում Հայաստանի Հանրապետության արտակարգ և լիազոր դեսպանի պաշտոնից»,- ասված է ՀՀ նախագահի հրամանագրում:

Լրահոս
Արփինե Հովհաննիսյանն առաջարկում է
Վաղը Փարիզում հանդիպելու են Հայաստանի և Ադրբեջանի ԱԳՆ ղեկավարները
Նիկոլ Փաշինյանը ոչ ֆորմալ հանդիպում է ունեցել Վրաստանի վարչապետ Մամուկա Բախտաձեի հետ
Ալեքսանդր Լուկաշենկոն շնորհավորական ուղերձ է հղել Նիկոլ Փաշինյանին
Ավետ Ադոնցը հետ է կանչվել Իսպանիայում ՀՀ արտակարգ և լիազոր դեսպանի պաշտոնից
«Մյուս անգամ, որ խոսում եմ, խնդրում եմ չմիջամտել, եղա՞վ». բանավեճ Միքայելյանի և Մարուքյանի միջև
Սեյրան Օհանյանին մեղադրանք է առաջադրվել Մարտի 1-ի գործով
Լուռ քայլերթ` ընդդեմ Մանվել Գրիգորյանի
Արմեն Սարգսյանը պաշտոնական այցով մեկնում է Արաբական Միացյալ Էմիրություններ
Վարդանանց փողոցում տեղի ունեցած հրդեհի հետևանքով մահացել է մեկ, տուժել է երկու քաղաքացի
Հունվարի 14-ին կկայանա նորընտիր խորհրդարանի առաջին նիստը
Կեղծ ահազանգ՝ երեք հասցեներում ռումբի գտնվելու մասին
ՀՀ-ում H1N1 վիրուսով պայմանավորված մահվան դեպք է գրանցվել
Կգա ժամանակը ես շատ, շատ բան ունեմ ասելու եւ պատմելու. Արմեն Գեւորգյան
Պիտի գնամ այն թիմի հետ, որի հետ եկել եմ. Արա Սաղաթելյան
Խմբագրի ընտրանի

Արփինե Հովհաննիսյանն առաջարկում է

Արփինե Հովհաննիսյանն առաջարկում է ներման գործընթացը հրապարակային դարձնել ԱԺ նախկին խոսնակ Արփինե Հովհաննիսյանը ֆեյսբուքյան էջում հ... Դիտել ավելին

Տեսանյութ

Կառավարության նիստը․ ՈՒՂԻՂ

Մեկնարկել է Կառավարության՝ այս տարվա վերջին նիստը, որը վարում է առաջին փոխվարչապետի պաշտոնակատար Արարատ Միրզոյանը: Օրակարգում 40 հարց է, որից 32-ը՝ չզեկուցվող, 1-ը՝ գաղտնի:.... Դիտել ավելին

Մամուլի բաժին
Ուղիղ   խոսք