1$ = 0 AMD 1€ = 0 AMD

Միջազգային կլոր-սեղան քննարկում ՀՀ-ում Ֆրանսիայի նորանշանակ դեսպանի մասնակցությամբ

2017 թվականի հոկտեմբերի 12-ին ՀՀ փաստաբանների պալատում տեղի է ունեցել միջազգային կոնֆերանս՝ նվիրված բաժնետիրական ընկերությունների և փաստաբանների մասնագիտական ապահովագրության թեմաներին:
Քննարկումը կազմակերպվել էր ՀՀ փաստաբանների պալատի, «Իրավունք և Առևտուր» ֆրանսիական կազմակերպության, ՀՀ-ում Ֆրանսիական համալսարանի, Հայաստանում ֆրանկոֆոն փաստաբանների միության և Հայաստանի Սենգոր ամբիոնի կողմից:
Միջոցառման բացման խոսքում ՀՀ փաստաբանների պալատի նախագահ Արա Զոհրաբյանը, ողջունելով ներկաներին նշել է, որ Հայաստանի փաստաբանների պալատը ունի բարեկամական կապեր Ֆրանսիայի իրավաբանների և փաստաբանների հետ և վերջին տարիների համատեղ միջոցառումները դրա մասին են վկայում: Տեղեկացրել է, որ Ֆրանսիայի Կառպաների ազգային միության և չորս այլ երկրների փաստաբանական կառույցների հետ միասին, ՀՀ փաստաբանների պալատը Ֆրանսիայում հիմնադրել է Կառպաների միջագային միությունը։ Նա ողջունել է «Իրավունք և Առևտուր» կազմակերպության նախաձեռնությունը՝ այս միջոցառման համար որպես ընդունող երկիր Հայաստանին ընտրելու համար: Արա Զոհրաբյանը շեշտել է, որ ՀՀ ՓՊ-ի համար մեծ հետաքրքրություն են ներկայացնում փաստաբանի մասնագիտական ապահովագրման հիմնահարցերը՝ փաստելով, որ մեր երկրում այն դեռևս օրենսդրորեն կարգավորված չէ: Այս առումով նա կարևորել է ֆրանսիացիների փորձը: Փաստաբանների պալատի նախագահը նշել է, որ ցանկացած երկիր ներդրման տեսանկյունից պետք է հետաքրքիր լինի հենց իր դատաիրավական համակարգով, ունենա անկախ, կանխատեսելի դատարաններ և պրոֆեսիոնալ փաստաբաններ: Այս համատեքստում նա ողջունել է կոնֆերանսի անցկացումը, որը Հայաստանի փաստաբանության տեսակետները ներկայացնելու հնարավորություն է ընձեռում:
Ողջույնի խոսքով հանդես է եկել ՀՀ-ում Ֆրանսիայի նորանշանակ արտակարգ և լիազոր դեսպան Ջոնաթան Լաքոտը՝ նշելով, որ Հայաստանում սա իր մասնակցությամբ առաջին միջոցառումն է և վաղն էլ իր հավատարմագրերը հանձնելու է Հանրապետության Նախագահին: Նա նշել է, որ իր համար կարևոր սկզբունքներից է Ֆրանկոֆոն երկրների հետ ամուր կապերի հաստատումը: Կարևորելով նմանատիպ միջազգային միջոցառումները՝ դեսպանն ասել է, որ իր դիվանագիտական փորձը ցույց է տվել, որ ցանկացած բնագավառում պետք է համագործակցել, ոչ թե լինել խորհուրդ տվողի դերում: Նա նշել է, որ նման հարթակներում իրավական փորձառության փոխանակումն առավել արդյունավետ է երկուստեք խնդիրների բարձրացման և ոլորտի հետագա զարգացման ու կատարելագործման համար՝ հավելելով, որ ինքը հիբրիդային համակարգերի կողմնակիցն է:
Հայաստանում Ֆրանսիական համալսարանի իրավաբանական ֆակուլտետի դեկան Կարին Հովսեփյանը ողջույնի խոսքում նշել է, որ հասարակության և շուկայի փոփոխմանը համընթաց կարևոր է նաև իրավունքների փոփոխությունը՝ նկատելով, որ իրավունքն իր սկզբնաղբյուրում համեմատական գիտություն է: Նա կարևորել է հայ-ֆրանսիական իրավաբանների համատեղ միջոցառման իրականացումը՝ հույս հայտնելով, որ այն կտա սպասված արդյունքները:
Ողջույնի խոսքով հանդես է եկել «Իրավունք և Առևտուր» կազմակերպության նախագահ, Փարիզի փաստաբանների միության անդամ տիկին Գաշուշա Կուղեժեն: Նա ներկայացրել է իրենց ասոցիացիան՝ այն համարելով գործնական իրավունքի մասնագետների կատարելագործման համար լավ հարթակ: Նա նկատել է, որ Հայաստանում բավական լավ պայմաններ են ներդրումների և դրանց պաշտպանվածության երաշխիքների առումով:
Միջոցառման առաջին հատվածում քննարկվել են բաժնետիրական ընկերությունների ստեղծման և զարգացման ուղղությունները հայ և ֆրանսիական իրականությունում: Հայկական կողմից «Հովհաննիսյան և գործընկերներ» փաստաբանական ընկերության կառավարող գործընկեր, փաստաբան Հայկ Հովհաննիսյանը ներկայացրել է Անկախ Հայաստանի բաժնետիրական ընկերությունների էվուլուցիան՝ անդրադառնալով պլանային տնտեսությունից շուկայականին անցնելու բարդություններին ու ծագած խնդիրներին: Քննարկելով բաժնետիրական ընկերություններին առնչվող օրենսդրությունը՝ Հայկ Հովհաննիսյանը արտերկրյա գործընկերներին տեղեկացրել է, որ այն ներկայում բավական ճկուն է:
Փարիզի փաստաբանների միության անդամ Ռոյ Առաքելյանը ներկայացրել է Ֆրանսիայում մեծ ճանաչում ունեցող պարզեցված բաժնետիրական ընկերությունների վերաբերյալ տեղեկատվություն: Նա փաստել է, որ դրանք իրենց ճկուն կանոնադրության շնորհիվ լայն տարածում են գտել Ֆրանսիայում և հեռանկարային կարող են լինել նաև Հայաստանում: Նա նկատել է, որ այսօր Ֆրանսիայի ներդրումների 95 տոկոսը պարզեցված բաժնետիրական ընկերություններում է կատարվում:
Քննարկման երկրորդ մասում մասնակիցներն անդրադարձել են փաստաբանների մասնագիտական պատասխանատվության ապահովագրության ինստիտուտին: «Հայաստանի ավտոապահովագրողների բյուրո»-ի գործադիր տնօրենի տեղակալ Արտյոմ Նազարյանը խոսել է պատասխանատվության ապահովագրման իսնտիտուտից: Ֆրանսիայի Վիեն քաղաքի փաստաբանների միության անդամ Լեոն Պաիյաղեն անդրադարձել է փաստաբանների մասնագիտական ապահովագրության ֆրանսիական ինստիտուտին՝ կարևորելով դրա նշանակությունը փաստաբանի մասնագիտական և հետագա այլ գործունեության համար:
Ֆրանսիացի հյուրերը ՀՀ-ում Ֆրանսիայի արտակարգ և լիազոր դեսպանի հետ միասին ՀՀ փաստաբանների պալատի նախագահի ուղեկցությամբ շրջայց են իրականացրել պալատի շենքում՝ լինելով Փաստաբանական դպրոցում և Հանրային պաշտպանի գրասենյակում:

ՀՀ ՓՊ մամուլի կենտրոն

loading...
Լրահոս
Սարգսյանների օրը, Գասպարյանի փոփոխություններն ու սպառնալիքները՝ լրագրողների հասցեին Բանակից խուսափած հայերը Բելառուս մեկնելուն պես կարող են ձերբակալվել. զգուշացնում է ՌԴ հյուպատոսը. Sputnik Օբամեյանգը հրաժեշտ է տվել Բորուսիային Երեւանի կենտրոնում ապօրինի կառույցն ապօրինի օրինականացրել են. ավագանին դատախազին է դիմել.Armtimes.com Թեստ. ինչ են պատմում Ձեր երազները Ձեր մասին Ինչպե՞ս հասկանալ, որ Նա հարմար է քեզ՝ որպես ամուսին Արմեն Սարգսյանը վստահեցնում է, որ ծանոթ է Հայաստանի խնդիրներին Ստամոքսի բորբոքման դեմ պայքարող տնական միջոցներ ՌԴ-ի կողմից Ադրբեջանին զենքի վաճառքի մասին լուրերը տեղեկատվական դիվերսիա են Մահացել է Իտալիայի հավաքականի նախկին գլխավոր մարզիչը Մազերի դիմակ, որը խթանում է մազերի աճը և պայքարում թեփի դեմ 2017-ի ընթացքում հանրապետության դպրոցների 70 տոկոսում ներդրվել է պարտադիր երրորդ օտար լեզվի առարկան Ուրախ եմ, որ ես ու Մխիթարյանը դարձյալ նույն թիմում ենք.Օբամեյանգ Ֆրանսիայի նախագահը հայկական կազմակերպությունների ընթրիքին ներկայացել է անմոռուկը կրծքին 5 հոգեբանական նշան, որ դուք դեռ երկար միասին կլինեք Գորիս-Սիսիան ավտոճանապարհին գետնաբուք է, Ախուրյանի և Աշոցքի ավտոճանապարհներին ձյուն է տեղում Արմեն Սարգսյանը պատրաստվում է ՀՀ Նախագահ Սերժ Սարգսյանի հետ հանդիպմանը Գագիկ Ծառուկյանը 30 միլիարդ դրամ կներդնի Ծաղկաձորում նոր մարզահամալիրի կառուցման համար Օբամեյանգը պաշտոնապես տեղափոխվեց «Արսենալ» Մոսկվան ջանքեր է գործադրում Լեռնային Ղարաբաղում ԵԱՀԿ առաքելության ընդլայնման ուղղությամբ. Զախարովա ՀՀԿ-ի ներսում դժգոհություն է հասունացել Պարտադիր հնդկաձավար ուտելու պատճառներ Հրդեհ Ստեփանավան քաղաքում Երիտասարդ զույգը բնակարանի պատի մեջ այսպիսի տուփ գտավ. տեսնելով դրա պարունակությունը՝ չեք կարողանա զսպել ձեր արցունքները (տեսանյութ) Գայլերի ոհմակի հարձակման հետևանքով ստացած վերքերից այծյամը սատկել է