1$ = 0 AMD 1€ = 0 AMD

Զինադադարի խախտումները շփման գծում շարունակվում են․ Է․ Նալբանդյան

Հայաստանի արտգործնախարար Էդվարդ Նալբանդյանի խոսքը Լեհաստանի արտգործնախարար Վիտոլդ Վաշչիկովսկիի հետ բանակցությունների արդյունքներով
Բարև Ձեզ, ողջունում եմ Լեհաստանի արտգործնախարար Վիտոլդ Վաշչիկովսկուն Երևանում:
Այս տարի մենք հայ-լեհական հարաբերությունների համար մեծ կարևորություն ունեցող երկու իրադարձություն ենք նշում. դիվանագիտական հարաբերությունների հաստատման 25-ամյակը և Լեհաստանում հայկական համայնքի ձևավորման 650-ամյակը: Լեհաստանի հայ համայնքը հաստատուն կամուրջ է հանդիսանում մեր երկու բարեկամ պետությունների միջև: Անցած դարերի ընթացքում հայերը հանդիսացել են Լեհաստանի արժանի քաղաքացիներ՝ որպես տաղանդավոր պետական ու ռազմական գործիչներ, գիտնականներ, արվեստաբաններ: Տարվա ընթացքում բազմաթիվ միջոցառումներ են կազմակերպվել նվիրված լեհահայությանը՝ ցուցահանդեսներ, համերգներ, գիտաժողովներ, Լեհաստանի Նախագահ Անջեյ Դուդան նախագահական պալատում հատուկ ընդունելություն է կազմակերպել այս կապակցությամբ։
Դիվանագիտական հարաբերությունների հաստատումից ի վեր բարձրաստիճան փոխայցելությունների, արդյունավետ քաղաքական երկխոսության և ծավալուն իրավապայմանագրային դաշտի ստեղծման միջոցով մեր երկրներին հաջողվեց կայուն հիմք կառուցել՝ հայ-լեհական հարաբերությունների համապարփակ և բովանդակալից զարգացման համար թե՛ երկկողմ, թե՛ բազմակողմ մակարդակներում:
Այս օրերին Լեհաստանում պաշտոնական այցելությամբ է գտնվում ՀՀ ԱԺ նախագահ Արա Բաբլոյանի գլխավորած պատվիրակությունը, որն արդյունավետ հանդիպումներ է ունեցել Լեհաստանի նախագահի և Սենատի մարշալեկի հետ: Երեկ Հայաստանի Ազգային Ժողովի պատվիրակության ներկայությամբ Լեհաստանի Սենատը բանաձև է ընդունել հայ համայնքի կազմավորման 650-ամյակի կապակցությամբ, որտեղ կարևորում է հայերի դերակատարությունը լեհական պատմության մեջ և շնորհակալություն հայտնում լեհական մշակույթում ունեցած ստեղծարար ներդրման համար: Նույն օրը Սենատում բացվել է «Հայերը Լեհաստանում» խորագրով ցուցահանդեսը: Այս ամենն առավել քան խորհրդանշում է հայ-լեհական դարավոր բարեկամությունը:
2005թ.-ին Լեհաստանի Սեյմը ընդունել է Հայոց ցեղասպանության ճանաչման վերաբերյալ բանաձևը, իսկ 2015թ. Լեհաստանը համահեղինակել է Հայաստանի կողմից ՄԱԿ-ի մարդու իրավունքների խորհրդում նախաձեռնած «Ցեղասպանության կանխարգելման մասին» բանաձևին:
Մենք մեծ ներուժ ունենք տնտեսական ոլորտում, ինչի լիարժեք օգտագործման համար հատկապես կարևոր են միջկառավարական հանձնաժողովի աշխատանքները, որի հերթական նիստը նախատեսված է այս տարվա դեկտեմբերին։
Հավելեմ նաև, որ վերջին շրջանում զարգացել է համագործակցությունն ապակենտրոնացված, գիտակրթական, մշակութային բնագավառներում։
Մենք համագործակցում ենք միջազգային կառույցների շրջանակներում։ Այս համատեքստում ցանկանում եմ շնորհավորել Լեհաստանին ՄԱԿ-ի անվտանգության խորհրդի ոչ մշտական անդամ ընտրվելու կապակցությամբ, ինչին իր աջակցությունն է ցուցաբերել նաև Հայաստանը։
Պարոն Վաշչիկովսկու հետ մտքեր փոխանակեցին մի շարք միջազգային և տարածաշրջային հրատապ խնդիրների շուրջ։
Ես Լեհաստանի արտգործնախարարին ներկայացրեցի միջազգային իրավունքի սկզբունքների՝ ուժի և ուժի սպառնալիքի չկիրառման, ժողովուրդների իրավահավասարության և ինքնորոշման ու տարածքային ամբողջականության հիման վրա, Լեռնային Ղարաբաղի հիմնախնդրի կարգավորման առաջմղման ուղղությամբ Հայաստանի և Մինսկի խմբի համանախագահ երկրների կողմից գործադրվող համատեղ ջանքերը:
Ցավոք, Ժնևում կայացած գագաթաժողովից հետո տարբեր շահարկումներ են հնչում Բաքվից, և զինադադարի խախտումները շփման գծում շարունակվում են, ինչի հետևանքով զինվոր է զոհվել երեկ։
Մենք համակարծիք ենք Լեհաստանի արտգործնախարարի հետ, որ միջազգային իրավունքի սկզբունքների վրա հիմնված ղարաբաղյան հիմնախնդրի բացառապես խաղաղ կարգավորմանն այլընտրանք չկա։
Այժմ խոսքը փոխանցում եմ արտգործնախարար Վաշչիկովսկուն։

loading...
Լրահոս
0 ելույթ, 0 հարց, 0 նախաձեռնություն. Դերժավայի Արկադիի «դերժավան» Չափազանց զվարճալի և անհարմար իրավիճակներ, որոնցում հայտնվել են հայտնիները Որոշ ավտոճանապարհներին ձյուն է տեղում Պաշտպանի աջակցությամբ աշխատողին վճարվել է մայրության նպաստը Միջազգային մակարդակով հետախուզվող Իրանի քաղաքացի է հայտնաբերվել Էդմոն Մարուքյանի դիմումի հիման վրա ՏՄՊՊՀ-ում վարչական վարույթ է հարուցվել Հայաստանն ընգրկվել Է ՄԱԿ-ի Պատվո ցանկում ԵԱՀԿ դիտարկումը Արցախի և Ադրբեջանի սահմանին «Վրեժ են լուծում այլակարծիք մնալու համար» Արցախում մահացած 20-ամյա Հարությունը զինվորականի որդի էր 19-ամյա Քնարիկը որոնվում է որպես անհետ կորած (տեսանյութ) Մայրաքաղաքում ծնվել է 256 երեխա 2018 թվականի օլիմպիական առաջին հաջողությունները Մեքենան գլորվել է ձորը ՀՀ գյուղատնտեսության նախարարությունն ընդլայնում է միջազգային կազմակերպությունների հետ համագործակցության շրջանակը Դահուկային սպորտի ֆեդերացիան ի սկզբանե իմ նկատմամբ եղել է անարդար. բաց նամակ Ծառուկյանին Զինծառայողին ծեծելով կյանքից զրկելու համար դատապարտված սպան ազատ է արձակվել. փաստաբանը՝ Արտուշ Գաբրիելյանի գաղտնի որոշման մասին Ոստիկանները, ձեռքերից ու ոտքերից բռնելով, քաշքշել են, բռունցքով հարվածել դեմքին և գլխին Արցախում դեռևս չպարզված հանգամանքներում զինվոր է մահացել Քննություն է տարվում՝ պարզելու Մյասնիկյան պողոտայում տեղի ունեցած վթարի հանգամանքները Ադրբեջանի ԱԳՆ մամլո խոսնակը երևակայական հիվանդ է Կրակովում կկայանա Հայաստանի և Ադրբեջանի արտգործնախարարների հանդիպումը Երեւանում տեղումներ են սպասվում Վրաստանի նախագահը կրկին հայր է դարձել Երեւանում երթուղայինների վարորդները գործադուլ են հայտարարել