1$ = 0 AMD 1€ = 0 AMD

Ամեն ինչ պետք է ծառայի քաղաքացու հարմարավետությանը. Տարոն Մարգարյան

Երևանի վարչական շրջանների ղեկավարները շարունակում են Երևանի քաղաքապետին զեկուցել 2017թ. կատարված աշխատանքների և 2018թ. նախատեսված ծրագրերի մասին: Քաղաքապետ Տարոն Մարգարյանին այսօր ներկայացվել է Ավան վարչական շրջանի նախորդ տարվա հաշվետվությունն ու 2018թ. անելիքները:
Վարչական շրջանի ղեկավար Մանվել Ջավադյանը, ներկայացնելով քաղաքային տնտեսության տարբեր ոլորտներում իրականացված աշխատանքները, քաղաքապետին զեկուցել է, որ նախանշված բոլոր ուղղություններով ծրագրերն իրականացվել են ամբողջությամբ ու սահմանված ժամկետներում: Ըստ այդմ, Ավան վարչական շրջանում հետևողական աշխատանքներ են տարվել բակերի ու այգիների բարեկարգման, բնակելի ֆոնդի պահպանման, կրթամշակութային օջախների նորոգման ու հիմնանորոգման ուղղությամբ: Մանվել Ջավադյանը զեկուցել է քաղաքապետին, որ այսօր հարմարավետ պայմաններ են ապահովված վարչական շրջանի բոլոր մշակութային օջախներում, որոնցում համապատասխան կրթություն է ստանում շուրջ 2000 երեխա:
Որպես 2017թ. ձեռքբերում՝ վարչական շրջանի ղեկավարն առանձնացրել է պետական ու մասնավոր հատվածի կողմից իրականացված մի շարք ծրագրեր, այդ թվում նաև այնպիսիք, որոնք իրենց տեսակի մեջ եզակի են տարածաշրջանում և, ըստ էության, նոր շունչ են հաղորդել վարչական շրջանի առօրյային: Ներկայացնելով 2018թ. նախատեսված ծրագրերը՝ Ավան վարչական շրջանի ղեկավարը, իր զեկույցն ամփոփելով, նշել է, որ 2018թ. ևս հետևողական քայլեր կձեռնարկվեն մասնավոր հատվածի հետ համագործակցությունն էլ ավելի ակտիվացնելու և ներդրումային նոր ծրագրերի իրականացման նպատակով:

«Պարոն քաղաքապետ, վստահեցնում եմ, որ վարչական շրջանի աշխատակազմը պատրաստ է ամենօրյա սրտացավ աշխատանքով այս տարի ևս կյանքի կոչել բոլոր այն ծրագրերը, որոնք նախանշված են 2018թ. համար: Ի դեպ, վարչական շրջանի կարևոր ձեռքբերումների շարքում արդեն մի քանի տարի առանձնանում է Հանրապետության Նախագահի բարձր հովանու ներքո իրականացվող «Մատչելի բնակարան երիտասարդ մասնագետներին» ծրագիրը, որը կշարունակվի նաև այս տարի: Մասնավոր հատվածի կողմից իրականացվող մի քանի խոշոր ծրագրեր ևս ընթացքի մեջ են ու, վստահ ենք, որ դրանց իրականացումը ևս կարևոր նշանակություն կունենա վարչական շրջանի առօրյայի աշխուժացման հարցում», - նշել է Ավան վարչական շրջանի ղեկավարը:
Իր գոհունակությունը հայտնելով Ավան վարչական շրջանի աշխատակազմի կատարած աշխատանքներից, Երևանի քաղաքապետ Տարոն Մարգարյանը հատկանշել է մի շարք ուղղություններ, որոնց մասով ևս ակնկալվում է աշխատակազմի հետևողական աշխատանքը:
«Քաղաքային տնտեսության տարբեր ոլորտներում ավելի արդյունավետ կառավարում ապահովելու և զարգացման նոր միտումները հաշվի առնելով՝ Երևանի քաղաքապետարանը վերջին տարիներին ստեղծում է ավելի շատ էլեկտրոնային կառավարման գործիքներ ու ծառայություններ:
Մենք ձևավորել ենք «Խելացի քաղաք» ծրագրի աշխատանքային խումբը, առաջիկա տարիներին ավելի շատ նախագծեր են իրականացվելու այդ ուղղությամբ:
Ունենք համապատասխան ներուժ, և ընդամենը անհրաժեշտ է հետևողական թիմային աշխատանք, որպեսզի տեղեկատվական տեխնոլոգիաների ոլորտում ևս Երևանը դառնա աշխարհի այն քաղաքներից, որը ստեղծում է խելացի լուծումներ և խելացի առաջարկներ: Այս հարցում ակնկալում եմ յուրաքանչյուրիդ ակտիվ մասնակցությունն ու նախաձեռնողականությունը: Ամեն ինչ պետք է ծառայի քաղաքացու հարմարավետությանը, ժամանակի խնայողությանը, արագ տեղաշարժին և տեղեկությունների արդյունավետ
փոխանակմանը։ Սա է մեր առաջիկա տարիների ուղենիշը»,- ընդգծել է Տարոն Մարգարյանը:
Անդրադառնալով սոցիալական նշանակության ծրագրերի կյանքի կոչմանը՝ Երևանի քաղաքապետը հանձնարարել է առանձնակի ուշադրություն դարձնել դրանց հասցեականությանը:
«Վերջին տարիներին Երևանի քաղաքապետարանի կողմից կյանքի են կոչվում սոցիալական նշանակության տարբեր ծրագրեր ու նախաձեռնություններ, որոնք իսկապես սպասված են դարձել բնակիչների կողմից: Մեր թիմը միշտ է եղել հոգածության կարիք ունեցող մեր համաքաղաքացիների կողքին: Բայց գրանցած արդունքներով պետք է չբավարարվենք և գնալով ավելի կատարելագործենք մեր կողմից իրականացվող ծրագրերը: Քաղաքացին պետք է զգա հոգատար վերաբերմունք, տարվա ընթացքում իրականացվող սոցծրագրերն էլ պետք է էլ ավելի հասցեական դառնան:» նշել է քաղաքապետը:
Խորհրդակցության ավարտին քաղաքապետ Տարոն Մարգարյանը հանձնարարել է մշտական հսկողության տակ պահել նաև մանկապարտեզների ամենօրյա աշխատանքը, որպեսզի պահպանվեն բոլոր այն չափորոշիչները, որոնք առաջադրվել են Երևանի քաղաքապետարանի կողմից:

loading...
Լրահոս
Սարգսյանների օրը, Գասպարյանի փոփոխություններն ու սպառնալիքները՝ լրագրողների հասցեին Բանակից խուսափած հայերը Բելառուս մեկնելուն պես կարող են ձերբակալվել. զգուշացնում է ՌԴ հյուպատոսը. Sputnik Օբամեյանգը հրաժեշտ է տվել Բորուսիային Երեւանի կենտրոնում ապօրինի կառույցն ապօրինի օրինականացրել են. ավագանին դատախազին է դիմել.Armtimes.com Թեստ. ինչ են պատմում Ձեր երազները Ձեր մասին Ինչպե՞ս հասկանալ, որ Նա հարմար է քեզ՝ որպես ամուսին Արմեն Սարգսյանը վստահեցնում է, որ ծանոթ է Հայաստանի խնդիրներին Ստամոքսի բորբոքման դեմ պայքարող տնական միջոցներ ՌԴ-ի կողմից Ադրբեջանին զենքի վաճառքի մասին լուրերը տեղեկատվական դիվերսիա են Մահացել է Իտալիայի հավաքականի նախկին գլխավոր մարզիչը Մազերի դիմակ, որը խթանում է մազերի աճը և պայքարում թեփի դեմ 2017-ի ընթացքում հանրապետության դպրոցների 70 տոկոսում ներդրվել է պարտադիր երրորդ օտար լեզվի առարկան Ուրախ եմ, որ ես ու Մխիթարյանը դարձյալ նույն թիմում ենք.Օբամեյանգ Ֆրանսիայի նախագահը հայկական կազմակերպությունների ընթրիքին ներկայացել է անմոռուկը կրծքին 5 հոգեբանական նշան, որ դուք դեռ երկար միասին կլինեք Գորիս-Սիսիան ավտոճանապարհին գետնաբուք է, Ախուրյանի և Աշոցքի ավտոճանապարհներին ձյուն է տեղում Արմեն Սարգսյանը պատրաստվում է ՀՀ Նախագահ Սերժ Սարգսյանի հետ հանդիպմանը Գագիկ Ծառուկյանը 30 միլիարդ դրամ կներդնի Ծաղկաձորում նոր մարզահամալիրի կառուցման համար Օբամեյանգը պաշտոնապես տեղափոխվեց «Արսենալ» Մոսկվան ջանքեր է գործադրում Լեռնային Ղարաբաղում ԵԱՀԿ առաքելության ընդլայնման ուղղությամբ. Զախարովա ՀՀԿ-ի ներսում դժգոհություն է հասունացել Պարտադիր հնդկաձավար ուտելու պատճառներ Հրդեհ Ստեփանավան քաղաքում Երիտասարդ զույգը բնակարանի պատի մեջ այսպիսի տուփ գտավ. տեսնելով դրա պարունակությունը՝ չեք կարողանա զսպել ձեր արցունքները (տեսանյութ) Գայլերի ոհմակի հարձակման հետևանքով ստացած վերքերից այծյամը սատկել է