«Հրապարակ»․ Բաղրամյան 26-ը դառնում է նախագահի նստավայրը

«Հրապարակ» թերթը գրում է․

Ստորագրվե՞լ է նախագահ Արմեն Սարգսյանի կողմից ԱԺ օրենքը, ըստ որի՝ Բաղրամյան 26-ը դառնում է նախագահի նստավայրը։ «Այո»,- ասաց նախագահականի մեր աղբյուրը։ Ե՞րբ եք տեղափոխվելու։ «Ըստ ամենայնի՝ հունվարին»։ Ամանորին այնտեղ չե՞ք լինի։ «Չեմ կարծում»։ Իսկ ինչպե՞ս եք օգտվելու դահլիճներից, որոնք վարչապետի հետ ընդհանուր օգտագործման են․ ո՞վ է տոնածառը դնելու, երեխաներին ինչպե՞ս եք ընդունելու։ «Այս պահին քննարկումներ են ընթանում, ըստ ամենայնի, կընտրվի հետեւյալ ֆորմատը՝ սահմանային գոտու երեխաներին այց՝ Ձմեռ պապիկի, Ձյունանուշի ուղեկցությամբ, կթիրախավորվեն օգնության կարիք ունեցող մանուկները եւս»։