Հեծանիվ, որը ՙՙպաշտպանում՚՚ է կորոնավիրուսից

Թուրքիայի Ադանա քաղաքում տարբեր ցուցադրությունների և ֆիլմերի համար հեծանիվներ նախագծող Յաշար Դեմիրը հատուկ հեծանիվ է ստեղծել կորոնավիրուսից պաշտպանվելու համար։ Այս մասին հաղորդում է Ermenihaber-ը։

Հեծանիվը ստացել է «կորոսիկլետ» անվանումը։ Կորոսիկլետի առանձնահատկությունն այն է, որ այն ունի մոտ 3 մետր բարձրություն և ապահովում է այն վարողների սոցիալական հեռավորությունը։

Կորոսիկլետը հետաքրքրություն է առաջացրել թուրք հեծանվասերների մոտ։ Յաշար Դեմիրը պատրաստակամություն է հայտնել պահանջարկի դեպքում կորոսիկլետը դնել սերիական արտադրության։