Մեծ Բրիտանիայի թագաժառանգ Չարլզի մոտ կորոնավիրուս է հայտնաբերվել․ BBC

Մեծ Բրիտանիայի թագաժառանգ Չարլզի մոտ կորոնավիրուս է հայտնաբերվել: Ինչպես հայտնում է BBC-ն, այս մասին տեղեկացնում են արքայական ընտանիքի ներկայացուցիչները:

«Արքայազնի մոտ թեթև ախտանշաններ են հայտնաբերել, սակայն նրա ինքնազգացողությունը լավ է: Վերջին մի քանի օրերին նա սովորականի պես աշխատում է տնից»,- ասված է արքայազն Չարլզի ներկայացուցիչների հայտարարության մեջ:

Արքայազնի կինը՝ Կամիլան, նույնպես ստուգվել է, սակայն նրա մոտ կորոնավիրուս չի հայտնաբերվել: Արքայազն Չարլզը և կինը ինքնամեկուսացել են Շոտլանդիայի իրենց տանը:

Թե կոնկրետ ումից է Չարլզը վարակվել, հնարավոր չէ պարզել՝ հաշվի առնելով այն միջոցառումների քանակը, որոնց նա մասնակցել է վերջին շաբաթներին իր հասարակական պարտականություններն իրագործելիս: