Մշակույթ

Վլադիմիր Սպիվակովը 75 տարեկան է

Ռուս հայտնի ջութակահար և դիրիժոր, Ռուսաստանի ազգային ֆիլհարմոնիկ նվագախմբի գեղարվեստական ղեկավար Վլադիմիր Սպիվակովը սեպտեմբերի 12-ին տոնում է իր ծննդյան 75-ամյակը: Սպիվակովը երաժշտությամբ սկսել է զբաղվել դեռ 13 տարեկանից: 1979-ին նա հիմնում է «Մոսկվայի վիրտուոզներ» նվագախումբը, որով ելույթներ է ունենում նաև Հայաստանում 1988թ. Սպիտակի երկրաշարժից հետո: Սպիտակի երկրաշարժը լավ տպավորվել է Սպիվակովի հիշողության մեջ. «Երբ Հայաստանում երկրաշարժ տեղի ունեցավ, մենք Ֆլորենցիայում համերգ էինք տալիս: Այդ ժամանակ ես տեսա 2 կնոջ, որոնց ձեռքին տուփ կար, որի վրա գրված էր, որ նրանք երկրաշարժից տուժածների համար գումար են հավաքում: Այնտեղ կար ընդամենը 10 հազար լիր, այդ ժամանակ ես նրանց հրավիրեցի Սուրբ Լորենցոյի եկեղեցի և մեր համերգի ողջ հասույթը՝ 50 հազար...

Մահացել է ՀԽՍՀ վաստակավոր նկարիչ Լևոն Մանասերյանը

ՀՀ Քաղաքաշինության կոմիտեի լրատվական ծառայությունից հայտնում են, որ մահացել է ՀԽՍՀ վաստակավոր նկարիչ Լևոն Հայրապետի Մանասերյանը. «Անդառնալի կորուստ. 94 տարեկան հասակում մահացել է ՀԽՍՀ վաստակավոր նկարիչ Լևոն Հայրապետի Մանասերյանը: ՀՀ քաղաքաշինության կոմիտեի նախագահ Վահագն Վերմիշյանի գլխավորությամբ ողջ աշխատակազմը խորապես ցավում և վշտակցում է Մեծ Հայի ընտանիքին, հարազատներին ու մտերիմներին։ Պրոֆեսոր Լևոն Մանասերյանը մասնակցել է Հայրենական մեծ պատերազմին, 1963թ.-ից դասավանդել ԵՊՃՇԻ-ում, 1975-1991 թթ.-ին եղել ՃՇՀԱՀ կերպարվեստի ամբիոնի վարիչ։ Նրա աշխատանքներից շատերը գտնվում են Հայաստանի ազգային պատկերասրահում։ Լևոն Մանասերյանի ստեղծագործությունները հիմնականում գրաֆիկական աշխատանքներ են։ Նա հեղիանակել է նաև գեղանկարչական, թեմատիկ-կոմպոզիցիոն ...

Գեղարդում կանցկացվի «Մշակութային երկխոսություն» խորագրով համերգ. ԱԳՆ

ՀՀ արտաքին գործերի նախարարությունը տեղեկացնում է, որ սեպտեմբերի 13-ին` ժ․ 19։00-ին, Գեղարդ վանական համալիրում անցկացվելու է «Մշակութային երկխոսություն» խորագրով համերգ: «Սեպտեմբերի 13-ին ժ․ 19։00-ին, Գեղարդ վանական համալիրում ՀՀ արտաքին գործերի նախարարության հովանու ներքո տեղի կունենա «Մշակութային երկխոսություն» խորագրով համերգը, որին իրենց կատարումներով հանդես կգան «Հովեր» պետական կամերային երգչախումբը, դուդուկահար Ջիվան Գասպարյան կրտսերը, սաքսոֆոնահար Արմեն Հյուսնունցը, թմբկահար Կարեն Քոչարյանը, դաշնակահար Վահագն Հայրապետյանը և այլ երաժիշտներ։ Համերգը եզակի հնարավորություն է ոչ միայն հանրությանը ներկայացնելու հայկական մշակույթային ժառանգությունը, այլ նաև ի ցույց դնել Հայաստանում զարգացող գեղարվեստական միտումները: Համերգի հիմքում ընկած է...

Անգլերենով լույս է ընծայվել Հայոց ցեղասպանության վերաբերյալ 5 հատորյակ. Մարուքյան

«Լուսավոր Հայաստան» կուսակցության ղեկավար Էդմոն Մարուքյան այսօր հանդիպել է ցեղասպանագետ Արա Քեթիբյանի հետ: Այդ մասին նա տեղեկացնում է իր ֆեյսբուքյան էջում: «Խմբակցությունում հյուրընկալեցի ցեղասպանագետ Արա Քեթիբյանին, ով կատարել է հսկայածավալ աշխատանք` այս պահի դրությամբ անգլերեն լեզվով լույս է ընծայել հայոց ցեղասպանության վերաբերյալ 5 հատորյակը, որտեղ ամփոփված է միջազգային մամուլի անդրադարձը Հայաստանում Օսմանյան Թուրքիայի կողմից իրականացրած 1890-1922 թթ ցեղասպանությանը։ Պատիվ ունեցա որպես նվեր հենց հեղինակից ստանալ անգնահատելի արժեք ունեցող հատորները։ Հուսով եմ, որ բոլորիս աջակցությամբ հնարավորինս շուտ լույս կտեսնեն մյուս 5 հատորները և մեր պետությունը կանի ամեն ինչ, որպեսզի դրանք հնարավորինս լայն տարածում ստանան ողջ աշխարհում հանուն պատմա...

Այսօր Աշխարհահռչակ Սոպրանո և Մեծ Հայրենասեր Հասմիկ Պապյանի Ծննդյան Օրն է

Այսօր ՀՀ ժողովրդական արտիստ, Վիեննայի օպերային թատրոնի «պրիմադոննա» Հասմիկ Պապյանի ծննդյան օրն է: Սոպրանոն իր ամբողջ կյանքում զբաղվել է և շարունակում է զբաղվել աշխարհին իր հայրենիքը արժանապատիվ և լավագույնս ներկայացնելու բավականին բարդ գործով: Նրա՝ հայրենիքի հանդեպ տածած սերը և աննկարագրելի տաղանդը իրեն ընդգրկել են աշխարհասփյուռ հայության կողմից հարգված,սիրված և գնահատված մեծ հայերի շարքում: Բնակվելով Վիեննայում՝Պապյանը Հայաստանն է միշտ իր սրտում պահում,իսկ Հայաստանը՝Պապյանին: 1news.am-ը ևս միանում է բոլոր բարեմաղթանքներին, մաղթելով շուտափույթ վերադարձ հայրենիք,որտեղ նրան սիրով սպասում են:...

Ամենայն Հայոց Կաթողիկոսն ընդունեց նորաօծ քահանաներին

Օգոստոսի 23-ին Ն.Ս.Օ.Տ.Տ. Գարեգին Երկրորդ Ծայրագույն պատրիարք և Ամենայն Հայոց կաթողիկոսը ընդունել է հուլիսի 7-ին քահանայական կոչմանն արժանացած և Մայր Աթոռում քառասնօրյա պատրաստության շրջան անցած նորաօծ տասներկու քահանաներին: Մայր Աթոռ Սուրբ Էջմիածնի լուսարարապետ Գերաշնորհ Տ. Հովնան եպիսկոպոս Հակոբյանը Վեհափառ հայրապետին ներկայացրել է նորընծա քահանաներին` հավաստիացնելով, որ նրանք պատրաստ են իրենց նվիրյալ հովվական ծառայությունը բերելու Հայոց եկեղեցու անդաստանում: Զրույցի ընթացքում Ամենայն Հայոց կաթողիկոսն իր օրհնությունն է բերել քահանա հայրերին հովվական ծառայության կոչվելու առիթով` նրանց փոխանցելով հայրական իր պատգամներն ու խրատները: Նորին Սրբությունն ընդգծել է, որ արդյունավոր և բարեհաջող սպասավորության երաշխիքը Եկեղեցու զավակների նկատմամբ ...

Մարոկկոյում հայտնաբերվել են Ամենահին ստեգոզավրի մնացորդները

Ամենահին ստեգոզավրի մնացորդները հայտնաբերվել են Մարոկկոյում: Հնէաբանների տվյալներով՝ այդ դինոզավրերն ապրել են Երկրի վրա 168 մլն տարի առաջ, հաղորդում է BBC-ը: Բացի այդ, դա առաջին ստեգոզավրն է, որի մնացորդները հայտնաբերվել են Հյուսիսային Աֆրիկայում, որտեղ, ինչպես համարվում էր, այդ տեսակը տարածված չի եղել: Գիտնականների խումբը՝ հնէաբան Սյուզաննա Մայդմենտի ղեկավարությամբ, նոր տեսակն անվանել է Adratiklit boulahfa, ինչը բերբերական լեզվից թարգմանաբար նշանակում է «լեռնային մողես»: Համարվում է, որ Երկրի վրա (երբ Երկրի վրա դինոզավրեր էին ապրում) եղել է 2 սուպերմայրցամաք՝ Լավրասիա (հյուսիսային մայրցամաք) եւ Գոնդվանա (հարավային մայրցամաք), որոնք մեզոզոյան դարաշրջանում մասնատել են գերմայրցամաք Պանգեյը: Լավրասիան ներառել է տարածքի մեծ մասը, որոնք այժմ կ...

UNIVERSAl PICTURES-ը հայտնի ֆիլմի համար էպիզոդներ է նկարահանում Վրաստանում

Հոլիվուդյան հայտնի կինոարտադորղ UNIVERSAl PICTURES-ն իր հայտնի ֆիլմերից մեկի` «Ֆորսաժ-9» (Fast and Furious 9) ֆիլմի համար էպիզոդներ կնկարահանի Վրաստանում: Նախապատրաստական աշխատանքներն ավարտված են: Նկարահանումները կավարտվեն մեկ ամսից: Ֆիլմի նկարահանումներ կիրականացվեն Թբիլիսիում ու Ռուսթավիում: Վրաստանի «Առաջին ալիքի» լրագրողը որոշ կադրեր է հրապարակել ֆիլմի նկարահանումներից: Վրացական քաղաքներում ամերիկյան ֆիլմի նկարահանումներն իրականացվում են «Նկարահանի´ր Վրաստանում» ծրագրի շրջանակներում:...

Մինասի ևս մեկ որմնանկար սպասում է վերականգնման

Ազատանի մշակույթի տանը գտնվող Մինասի որմնանկարը վերջինն է, որը վերականգնման կարիք ունի: Հիշեցնենք՝ «Մինաս Ավետիսյան» հիմնադրամը ֆինանսավորման տարբեր աղբյուրներով վերջին մի քանի տարիներին վերականգնեց, որոշ դեպքերում տեղափոխեց Մինասի 10 որմնանկար: Վերջինը «Գիշեր» և «Ցերեկ» որմնանկարներն էին: Հիմա վերականգնման իր հերթին է սպասում Ազատանի մշակույթի տանը գտնվող որմնանկարը: Այն 80-ականներից պահպանվել է խոնավ պայմաններում, ինչի հետևանքով առանձին հատվածներում ներկի շերտի կորուստ և վնասված տեղեր կան: Հիմնադրամն ու Ազատանի գյուղապետարանը միջոցներ են փնտրում որմնանկարը վերականգնելու համար: «Թել են մանում» այսպես է կոչվում որմնանկարը, որը 1970-71 թվականներին Մինաս Ավետիսյանը նկարել է Ազատան գյուղի մշակույթի տանը: Բնապատկերում գյուղացի կանայք են, ովքեր...

«Ես չեմ կարծում, թե դրանից հետո կարող եմ երեխաներ ունենալ». Ջոն Սնոուի դերակատարը պատմել է «վիշապի վրա թռիչքի» մասին

Դերասան Քիտ Հարինգթոնը, որին մեծ ճանաչում է բերել ամերիկյան «Գահերի խաղը» հեռուստասերիալում Ջոն Սնոուի դերը, պատմել է «վիշապի վրա թռիչքի» մասին, գրում է The Hollywood Reporter-ը: Նա խոստովանել է, որ վիշապ հիշեցնող սարքի վրա ավելի շատ ժամանակ է անցկացրել, քան «Բաստարդների մարտը» դրվագում տեսարանի նկարահանման համար: Այդ փորձը նա սարսափելի է անվանել: Հարինգթոնը նաև խոստովանել է, որ սարսափելի զգացողություններ է ունեցել այդ սարքի վրա գտնվելու ընթացքում: Նա «որպես տղամարդ» իրեն շատ անհարմար է զգացել: «Ես չեմ կարծում, որ դրանից հետո կարող եմ երեխաներ ունենալ»,- կատակով ասել է դերասանը լրագրողի հետ զրույցում: Ջոն Սնոուի դերակատարը նաև նշել է, որ ապշել է սերիալի ավարտից: Նա նշել է, որ մինչ սցենարը կարդալն իրեն Էմիլիա Քլարկը՝ Դեյեներիսի դերակատա...

Հայտնի են հաջորդ տարվա «Օսկար»-ի հիմնական հավակնորդների անունները

Բուքմեյքերները հայտնել են կինոարվեստի ոլորտում հանձնվող «Օսկար» մրցանակի՝ 2020թ.-ի հավակնորդների անունները, գրում է The Independent-ը: Ըստ կանխատեսումների՝ մրցանակի հիմնական հավակնորդը ամերիկացի դերասան Խոակին Ֆենիքսն է, որը հայտնի է «Ջոկեր» (The Joker) ֆիլմում գլխավոր կերպարի՝ Թոդ Ֆիլիպսի դերով: Ֆիլմի պրեմիերան կկայանա շուտով Վենետիկի կինոփառատոնի ժամանակ, որը կմեկնարկի օգոստոսի վերջին: Ֆիլմի պրեմիերան 3-րդ դեպքը կլինի, երբ տվյալ միջոցառման ժամանակ կոմիքսների հիման վրա նկարահանված ֆիլմ է ներկայացվում: Մրցանակի այլ հավակնորդների շարքում են Թոմ Հենքսը՝ «Գեղեցիկ օր թաղամասում» (A Beautiful Day in the Neighborhood) ֆիլմում դերի համար, Թերոն Էջերթոնը «Ռոքեթմեն» (Rocketman) և Անտոնիո Բանդերասը՝ «Ցավ և փառք» (Dolor y gloria) ֆիլմերում դերերի հ...

Տիգրան Մանսուրյանի 80-ամյա հոբելյանին նվիրված համերգաշար՝ Ստեփանակերտում, Երևանում և Գյումրիում

Սեպտեմբերի 1-13-ը կանցկացվի «Մաեստրո Մանսուրյան» խորագրով համերգաշար՝ նվիրված ՀՀ ժողովրդական արտիստ, մեր օրերի լեգենդար կոմպոզիտոր Տիգրան Մանսուրյանի 80-ամյա հոբելյանին։ Կոմպոզիտորի բազմաժանր ստեղծագործությունները ներառող համերգները կանցկացվեն Երևանում, Ստեփանակերտում և Գյումրիում։ Համերգաշարը ներկայացնում է Երևանի քաղաքապետարանը՝ ՀՀ կրթության, գիտության, մշակույթի և սպորտի նախարարության աջակցությամբ: Հայաստանի պետական սիմֆոնիկ նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ առաջին անգամ կներկայացնի կոմպոզիտորի հայտնի մեղեդիները նոր գործիքավորմամբ։ Հինգ համերգների ընթացքում կհնչեն Մանսուրյանի կինոերաժշտությունը, սիմֆոնիկ և կամերային ստեղծագործությունները։ Երաժշտական փառատոնը կմեկնարկի սեպտեմբերի 1-ին՝ Ար...