Սպորտ

ՀՖՖ-ն հորդորում է ֆուտբոլային հասարակությանը դրսևորել զսպվածություն և հանդուրժողականություն

Դեկտեմբերի 23-ին տեղի կունենա ՀՖՖ Արտահերթ ժողովը, որի ընթացքում կկայանան ՀՖՖ նախագահի և Գործկոմի անդամների ընտրությունները: Հաշվի առնելով վերջին շրջանում մամուլում և սոցցանցերում տեղ գտած հրապարակումները, որոնց մեջ շատ են ՀՖՖ նախագահի և գործկոմի անդամների ընտրության վերաբերյալ շահարկումները, թափանցիկություն չապահովելու համար ՀՖՖ-ի հասցեին հնչող մեղադրանքները, Ֆեդերացիան հորդորում է ֆուտբոլային հասարակությանը դրսևորել զսպվածություն և հանդուրժողականություն, զերծ մնալ շահարկումներից և ագրեսիվ կոչերից: «Ինչպես և նախօրոք տեղեկացրել էինք, դեկտեմբերի 6-ին Հայաստանի ֆուտբոլի ֆեդերացիայի գրասենյակում կկայանա մամուլի ասուլիս, որի ընթացքում ուղիղ եթերում կհրապարակվեն ինչպես ՀՖՖ նախագահի, այնպես էլ Գործկոմի անդամության թեկնածուների և նրանց առաջադրող ա...

Հայ մարզիկը, կոմայից դուրս չգալով, մահացել է

2017թ. Եվրոպայի առաջնությունում ծանր վնասվածք ստացած մարզիկ Կոլյա Կարապետյանը, տասնութ ամիս կոմայում անցկացնելուց հետո մահացել է այսօր։ Այս մասին հայտնում է Հայաստանի սամբոյի ֆեդերացիան։ Մարզիկն իր վնասվածքը ստացել է մեդալի համար մղվող մենամարտում։ Նա կարողացել է նվաճել ոսկե մեդալը, սակայն մենամարտից հետո նրա ինքնազգացողությունը վատացել է։ 2017 թվականից նա գտնվում էր կոմայի մեջ։...

5 պարտությունից հետո Լևոն Արոնյանը զբաղեցրեց մրցաշարային աղյուսակի վերջին հորիզոնականը

Հնդկաստանի Կալկաթա քաղաքում ավարտվեց Tata Steel մրցաշարը: Այսօր՝ մրցումների վերջին օրը շատ անհաջող հանդես եկավ Լևոն Արոնյանը: Կայծակնային շախմատի 9 պարտիաներից 5-ում Արոնյանը պարտվեց, 4-ում ոչ-ոքի խաղաց՝ չկարողանալով տանել ոչ մի հաղթանակ: Արդյունքը եղավ այն, որ Արոնյանը զբաղեցրեց մրցաշարային աղյուսակի վերջին հորիզոնականը:...

Աշխարհի չեմպիոն հայազգի բռնցքամարտիկը ստացել է «Սպորտի վաստակավոր վարպետ»-ի կոչում

Քիքբոքսինգի աշխարհի չեմպիոն Վրեժ Պետրոսյանը, որը ներկայացնում է ռուսական Սարատով քաղաքը, «ՌԴ սպորտի վաստակավոր վարպետի» կոչում է ստացել: Ինչպես հաղորդում է ռուսական մամուլը, հրամանագիրը ստորագրել է ՌԴ սպորտի նախարար Պավել Կոլոբկովը: Վրեժ Պետրոսյանը քիքբոքսինքգի 2018 թվականի աշխարհի գավաթակիրն է, իսկ 2015 թվականին նա հաղթել է ուսանողական աշխարհի առաջնությունում: 2019-ի ապրիլին էլ Վրեժ Պետրոսյանը դարձել էր քիքբոքսինգի ՌԴ չեմպիոն:...

Ռաֆայել Վահանյանը միացավ առաջատարների խմբին. Շախմատի վետերանների ԱԱ

Բուխարեստում շարունակվում է վետերան շախմատիստների աշխարհի առաջնությունը, որին մասնակցում են 4 հայ շախմատիստներ: Երեկ երեկոյան տեղի է ունեցել 9-րդ տուրը, որում Ռաֆայել Վահանյանը և Կարեն Մովսիսյանը հաղթանակներ են տարել, Արտաշես Մինասյանը ոչ-ոքի է խաղացել, իսկ Վլադիմիր Պողոսյանը պարտվել է: 9-րդ տուրից հետո Ռաֆայել Վահանյանը ունի 7 միավոր և ընթանում է առաջատարների խմբում: Արտաշես Մինասյանը և Կարեն Մովսիսյանը ունեն 6,5 -ական միավոր և դեռ տեսական հնարավորություններ ունեն մեդալների համար պայքարելու, իսկ Վլադիմիր Պողոսյանն ունի 4 միավոր: Հիշեցնենք՝ Արտաշես Մինասյանը, Կարեն Մովսիսյանը և Վլադիմիր Պողոսյանը հանդես են գալիս 50-ից բարձր տարիքայինների խմբում, իսկ 65-ից բարձր տարիքայինների խմբում մեր միակ ներկայացուցիչը Ռաֆայել Վահանյանն է:...

Ի՞նչ կազմով հանդես կգա Հայաստանի հավաքականը Իտալիայի դեմ խաղում

Հրապարակվել է Հայաստանի հավաքականի կազմը Իտալիայի ընտրանու դեմ խաղում: Մեր հավաքականի կազմը հետևյալն է․ 1. Արսեն Բեգլարյան 2. Անդրե Չալըշըր 3. Վարազդատ Հարոյան 4. Տարոն Ոսկանյան 5. Արտակ Գրիգորյան 6. Արմեն Մանուչարյան 7. Պետրոս Ավետիսյան 8. Տիգրան Բարսեղյան 9. Էդգար Բաբայան 10. Արթուր Դանիելյան 11. Արթուր Սարկիսով 12. Գևորգ Կապարով 13. Կամո Հովհաննիսյան 14. Արման Հովհաննիսյան 15. Հայկ Իշխանյան 16. Արամ Հայրապետյան 17. Արտակ Եդիգարյան 18. Էրիկ Վարդանյան 19. Հովհաննես Համբարձումյան 20. Ալեքսանդր Կարապետյան 21. Գեղամ Հարությունյան 22. Արտյոմ Սիմոնյան...

ՀՀ ԶՈՒ մարզիկ-զինծառայողները մասնակցել են Համաշխարհային բանակային խաղերին

ՀՀ ԶՈՒ մարզիկ-զինծառայողները հոկտեմբերի 15-28-ը մասնակցել են Չինաստանի Ուհան քաղաքում անցկացված 7-րդ Համաշխարհային բանակային խաղերին: Ռազմական սպորտի միջազգային խորհրդի (CISM) հովանու ներքո անցկացված բանակային խաղերին մասնակցել է 105 պետության ավելի քան 10.000 մարզիկ, այդ թվում նաև՝ օլիմպիական, աշխարհի և Եվրոպայի չեմպիոններ: Մարզիկներն ուժերը չափել են 27 մրցաձևերում: Հայաստանը ներկայացրել են 15 մարզիկ-զինծառայողներ, ովքեր հանդես են եկել ըմբշամարտ, ձյուդո, կողմնորոշում տեղանքում և մարմնամարզություն մրցաձևերում: Հայ մարզիկները գրանցել են բավականին բարձր ցուցանիշներ: Մասնավորապես՝ ազատ ոճի ըմբշամարտիկ Մհեր Մարկոսյանը և մարմնամարզիկ Արթուր Ավետիսյանը նվաճել են բրոնզե մեդալներ: Ռազմական սպորտի միջազգային խորհրդը ստեղծվել է 1948թ. փետրվարի 18-...

Երկրորդ տուրում 4 հայ շախմատիստներն էլ հաղթեցին. Շախմատի վետերանների ԱԱ

Բուխարեստում շարունակվում է վետերան շախմատիստների աշխարհի առաջնությունը, որին մասնակցում են նաև 4 հայ շախմատիստներ: Հիշեցնենք՝ 50-ից բարձր տարիքայինների խմբում հանդես են գալիս Արտաշես Մինասյանը, Կարեն Մովսիսյանը և Վլադիմիր Պողոսյանը, իսկ 65-ից բարձր տարիքայինների խմբում` Ռաֆայել Վահանյանը: Երեկ երեկոյան կայացել է առաջնության երկրորդ տուրը, որը հաջող էր Հայաստանի ներկայացուցիչների համար: Մեր 4 շախմատիստներն էլ հաղթանակ են տարել: 2 տուրից հետո Ռաֆայել Վահանյանն ու Կարեն Մովսիսյանը ունեն 2-ական միավոր և առաջատարների խմբում են: Արտաշես Մինասյանը ունի 1,5 միավոր, իսկ Վլադիմիր Պողոսյանը՝ 1 միավոր:...

Մեկնարկել է շախմատի վետերանների աշխարհի առաջնությունը

Բուխարեստում մեկնարկել է վետերան շախմատիստների աշխարհի առաջնությունը, որին մասնակցում են նաև 4 հայ շախմատիստներ: 50-ից բարձր տարիքայինների խմբում հանդես են գալիս Արտաշես Մինասյանը, Կարեն Մովսիսյանը և Վլադիմիր Պողոսյանը, իսկ 65-ից բարձր տարիքայինների խմբում Ռաֆայել Վահանյանը: Կայացել է առաջին տուրը, որում Վահանյանն ու Մովսիսյանը հաղթանակներ են տարել, Մինասյանը ոչ-ոքի է խաղացել, իսկ Պողոսյանը պարտվել է: Առաջնությունը բաղկացած է 11 տուրից և կավարտվի նոյեմբերի 24-ին: Նշենք նաև, որ 65-ից բարձր տարիքայինների խմբում Ռաֆայել Վահանյանն ամենաբարձր վարկանիշն ունեցող շախմատիստն է:...

Դավիթ Գրիգորյանը դարձել է Սամբոյի աշխարհի առաջնության բրոնզե մեդալակիր

Հարավային Կորեայում ավարտվեց Սամբոյի աշխարհի առաջնությունը: Հայաստանի հավաքականն այստեղ ներկայացված էր 11 մարզիկով: Առավել հաջող հանդես եկավ 82 կգ քաշային Դավիթ Գրիգորյանը: Առաջնության վերջին օրը մեր մարզիկը կարողացավ նվաճել բրոնզե մեդալ: Սա եղավ մեր հավաքականի միակ մեդալն աշխարհի առաջնությունում: Ի դեպ, նույն այս քաշային կարգում աշխարհի չեմպիոն է դարձել ՌԴ-ը ներկայացնող հայազգի սամբիստ Արամ Գրիգորյանը: Իսկ նախորդ օրն Ուկրաինայի հավաքականի կազմում բրոնզե մեդալ էր նվաճել մեկ այլ հայազգի սամբիստ՝ գերծանր քաշային Ռազմիկ Տոնոյանը:...

Հայ պատանի շախմատիստներն անհաջող ելույթ ունեցան. Շախմատի Մ16 համաշխարհային օլիմպիադա

Թուրքիայում ավարտվեց Շախմատի Մ-16 տարեկանների համաշխարհային օլիմպիադան, որին իր հնարավորություններից վատ հանդես եկավ Հայաստանի հավաքականը: Վերջին՝ 9-րդ տուրում, Հայաստանի պատանեկան հավաքականը 1-3 հաշվով պարտվեց վարկանիշով մեր ընտրանուց բավականին ցածր Բելառուսի թիմին: Արմեն Բարսեղյանն ու Մամիկոն Ղարիբյանը ոչ-ոքի խաղացին, իսկ Ալբերտ Գևորգյանն ու Տիգրան Սարգսյանը պարտություններ կրեցին: Ընդհանուր այս պարտությունից հետո մեր տղաները մրցաշարն ավարտեցին 12-րդ հորիզոնականում, ինչը վատ ցուցանիշ է Հայաստանի հավաքականի համար: Իսկ հաղթողի կոչումը նվաճեց Ադրբեջանի հավաքականը։ Երկրորդ և երրորդ տեղերը զբաղեցրին Ուզբեկստանի և Բելառուսի թիմերը:...

Սարգիս Ստեփանյանը դարձել է բազկամարտի աշխարհի քառակի չեմպիոն

Ռումինիայում հաշմանդամություն ունեցողների բազկամարտի աշխարհի առաջնությանը Հայաստանի ներկայացուցիչ, ՀՀ ԶՈՒ մայոր Սարգիս Ստեփանյանը զբաղեցրել է առաջին հորիզոնականը։ Այսպիսով՝ Սարգիսը դարձավ աշխարհի արդեն քառակի չեմպիոն: Նա նաև Եվրոպայի կրկնակի չեմպիոն է: «Սիրելի՛ ընկերներ, սիրով ուզում եմ տեղեկացնել, որ ավարտվեց Ռումինիայի Կոնստանտա քաղաքում կայացած բազկամարտի աշխարհի առաջնությունը, որտեղ ես զբաղեցրի առաջին հորիզոնականը։ Շնորհակալ եմ ձեզ` բարի խոսքեր ու դրական լիցքեր փոխանցելու համար։ Դուք եք ինձ ուժ տվողը։ Կհանդիպենք շուտով` մեր սիրելի հայրենիքում։ Սիրում եմ բոլորիդ»,- գրել է Սարգիսը:...

Ամենադիտված