Սպորտ

Դավիթ Գրիգորյանը դարձել է Սամբոյի աշխարհի առաջնության բրոնզե մեդալակիր

Հարավային Կորեայում ավարտվեց Սամբոյի աշխարհի առաջնությունը: Հայաստանի հավաքականն այստեղ ներկայացված էր 11 մարզիկով: Առավել հաջող հանդես եկավ 82 կգ քաշային Դավիթ Գրիգորյանը: Առաջնության վերջին օրը մեր մարզիկը կարողացավ նվաճել բրոնզե մեդալ: Սա եղավ մեր հավաքականի միակ մեդալն աշխարհի առաջնությունում: Ի դեպ, նույն այս քաշային կարգում աշխարհի չեմպիոն է դարձել ՌԴ-ը ներկայացնող հայազգի սամբիստ Արամ Գրիգորյանը: Իսկ նախորդ օրն Ուկրաինայի հավաքականի կազմում բրոնզե մեդալ էր նվաճել մեկ այլ հայազգի սամբիստ՝ գերծանր քաշային Ռազմիկ Տոնոյանը:...

Հայ պատանի շախմատիստներն անհաջող ելույթ ունեցան. Շախմատի Մ16 համաշխարհային օլիմպիադա

Թուրքիայում ավարտվեց Շախմատի Մ-16 տարեկանների համաշխարհային օլիմպիադան, որին իր հնարավորություններից վատ հանդես եկավ Հայաստանի հավաքականը: Վերջին՝ 9-րդ տուրում, Հայաստանի պատանեկան հավաքականը 1-3 հաշվով պարտվեց վարկանիշով մեր ընտրանուց բավականին ցածր Բելառուսի թիմին: Արմեն Բարսեղյանն ու Մամիկոն Ղարիբյանը ոչ-ոքի խաղացին, իսկ Ալբերտ Գևորգյանն ու Տիգրան Սարգսյանը պարտություններ կրեցին: Ընդհանուր այս պարտությունից հետո մեր տղաները մրցաշարն ավարտեցին 12-րդ հորիզոնականում, ինչը վատ ցուցանիշ է Հայաստանի հավաքականի համար: Իսկ հաղթողի կոչումը նվաճեց Ադրբեջանի հավաքականը։ Երկրորդ և երրորդ տեղերը զբաղեցրին Ուզբեկստանի և Բելառուսի թիմերը:...

Սարգիս Ստեփանյանը դարձել է բազկամարտի աշխարհի քառակի չեմպիոն

Ռումինիայում հաշմանդամություն ունեցողների բազկամարտի աշխարհի առաջնությանը Հայաստանի ներկայացուցիչ, ՀՀ ԶՈՒ մայոր Սարգիս Ստեփանյանը զբաղեցրել է առաջին հորիզոնականը։ Այսպիսով՝ Սարգիսը դարձավ աշխարհի արդեն քառակի չեմպիոն: Նա նաև Եվրոպայի կրկնակի չեմպիոն է: «Սիրելի՛ ընկերներ, սիրով ուզում եմ տեղեկացնել, որ ավարտվեց Ռումինիայի Կոնստանտա քաղաքում կայացած բազկամարտի աշխարհի առաջնությունը, որտեղ ես զբաղեցրի առաջին հորիզոնականը։ Շնորհակալ եմ ձեզ` բարի խոսքեր ու դրական լիցքեր փոխանցելու համար։ Դուք եք ինձ ուժ տվողը։ Կհանդիպենք շուտով` մեր սիրելի հայրենիքում։ Սիրում եմ բոլորիդ»,- գրել է Սարգիսը:...

Ազատ ոճի հայ ըմբիշները վերադառնում են ձեռնունայն. Ըմբշամարտի Մ23 ԱԱ

Բուդապեշտում ավարտվեց ազատ ոճի ըմբշամարտի մինչև 23 տարեկանների աշխարհի առաջնությունը, որին շատ անհաջող հանդես եկավ Հայաստանի հավաքականը: Մրցագորգ դուրս եկած մեր 9 ըմբիշներից ոչ մեկին չհաջողվեց մրցանակային տեղ գրավել: Մեր տղաներից կիսաեզրափակիչ հասավ միայն 61 կգ քաշային Արսեն Հարությունյանը, ու թեև սկզբում 3-0 հաշվով հաղթում էր հնդիկ ըմբիշին, սակայն վերջում թուլացավ և պարտվեց տուշեով: Նույնը կրկնվեց նաև բրոնզե մեդալի համար պայքարում: Արսեն Հարությունյանը դարձյալ տուշեով պարտվեց, այս անգամ ռուսաստանցի Դինիսլամ Տախտարովին: Այսպիսով՝ մեր ազատ ոճային ըմբիշները Բուդապեշտից վերադառնում են ձեռնունայն: Վաղը մրցասպարեզ դուրս կգան հունահռոմեական ոճի ըմբիշները:...

Հայ ազատ ոճային ըմբիշները շարունակում են անհաջող ելույթները. Ըմբշամարտի Մ23 ԱԱ

Բուխարեստում ընթացող Մ23 տարեկանների աշխարհի առաջնությանը հայ ազատ ոճային ըմբիշները այսօր ևս անհաջող են մեկնարկել: Քիչ առաջ իրենց հենց առաջին գոտեմարտերում պարտություն են կրել 74 կգ քաշային Խաչատուր Պապիկյանը և 86 կգ քաշային Հովհաննես Մխիթարյանը: Նրանք 0-10 և 0-5 հաշվով զիջել են համապատասխանաբար թուրք և իրանցի մարզիկներին: Ավելի վաղ տեղեկացրել էինք, որ երեկ մրցագորգ դուրս եկած մեր 4 ըմբիշները՝ 57 կգ քաշային Ռազմիկ Միսակյանը, 65 կգ քաշային Վազգեն Թևանյանը, 70 կգ քաշային Արման Անդրեասյանը և 79 կգ քաշային Արման Ավագյանը դուրս էին մնացել պայքարից: Այսօր մրցագորգ դուրս կգան ևս 3 հայ ըմբիշներ, այդ թվում՝ Եվրոպայի չեմպիոն Արսեն Հարությունյանը:...

Ռուսական պարբերականը կարծում է, որ Մխիթարյանը ձախողվել է

Ռուսական «Газета.ru» պարբերականը հոդված է հրապարակել անգլիական ֆուտբոլի տրանսֆերների մասին, այդ թվում` անդրադարձել է Հենրիխ Մխիթարյանին: Հոդվածագիրը հիշեցրել է, որ Մխիթարյանը Մեծ Բրիտանիա մեկնեց գերմանական «Բորուսիա» ակումբից 2016 թվականին ու հենց առաջին սեզոնում անգլիական «Մանչեսթեր Յունայթեդ» ակումբի կազմում երեք տիտղոս նվաճեց: «Թվում էր, թե Հենրիխի կարիերայում ամեն ինչ լավ է դասավորվում, բայց հենց հաջորդ սեզոնին նրա մոտ անկում նկատվեց: Գերազանց խաղերին հաջորդում էին ակնհայտ ձախողումներ, որոնք, ի վերջո, Մխիթարյանին հաստատեցին պահեստայինների նստարանին: Այնտեղ էլ նա անցկացրեց սեզոնի մեծ մասը: Հետո նա տեղափոխվեց «Արսենալ», ու ամեն ինչ ընթացավ գրեթե նույն սցենարով: Սկզբում հաջող խաղերի շարք, հետո նորից ձախողումներ, նորից պահեստայինների նս...

Հակոբ Մկրտչյանը՝ Եվրոպայի չեմպիոն, Դավիթ Հովհաննիսյանը՝ բրոնզե մեդալակիր

Բուխարեստում ընթացող ծանրամարտի Եվրոպայի Մ20 և Մ23 առաջնությանն այսօր մեր հավաքականը երրորդ ոսկե մեդալն է նվաճել: Մ23 խմբի 89 կգ քաշայինների մրցապայքարում գերազանց են հանդես եկել աշխարհի չեմպիոն Հակոբ Մկրտչյանն ու Գավիթ Հովհաննիսյանը: Հակոբը 375 կգ (165+210) երկամարտի արդյունքով դարձել է Եվրոպայի չեմպիոն: 375 կգ արդյունքով վերջերս Հակոբը դարձել էր նաև մեծահասակների աշխարհի չեմպիոն: Իսկ Դավիթ Հովհաննիսյանը 357 կգ արդյունքով դարձել է բրոնզե մեդալակիր: Հակոբը նաև նվաճել է մեկական փոքր ոսկե և արծաթե մեդալ, իսկ Դավիթը` մեկական փոքր արծաթե և բրոնզե մեդալ: Հիշեցնենք, որ երեկ Եվրոպայի չեմպիոն էին դարձել Կարեն Ավագյանն ու Լիանա Գյուրջյանը, Արա Աղանյանը դարձել էր փոխչեմպիոն, իսկ Ռաֆիկ Հարությունյանը` բրոնզե մեդալակիր:...

Շանթ Սարգսյանը` աշխարհի փոխչեմպիոն, Արամ Հակոբյանը` երրորդ մրցանակակիր. Շախմատի Մ20 ԱԱ

Հնդկաստանի մայրաքաղաք Նյու Դելիում ավարտվեց մինչև 20 տարեկանների շախմատի աշխարհի առաջնությունը: Հայաստանն այս առաջնությունում ներկայացնում էր 4 շախմատիստ` Շանթ Սարգսյանը, Արթուր Դավթյանը, Արամ Հակոբյանը, աղջիկների մրցապայքարում՝ Մարիամ Ավետիսյանը: Վերջին տուրում Շանթ Սարգսյանը հաղթանակ է տարել, իսկ մեր մյուս շախմատիստները ոչ ոքի են խաղացել: Հաղթանակից հետո Շանթը վաստակել է 8,5 միավոր և դարձել աշխարհի առաջնության փոխչեմպիոն: Արամ Հակոբյանը 8 միավորով ճանաչվել է երրորդը: Իրենց հնարավորությունների համեմատ վատ ելույթ չեն ունեցել նաև մեր մյուս 2 շախմատիստները: Մարիամ Ավետիսյանը 11 հնարավորից վաստակել է 6,5, իսկ Արթուր Դավթյանը՝ 6 միավոր: Հիշեցնենք, որ վերջերս Շանթ Սարգսյանը դարձել էր աշխարհի փոխչեմպիոն նաև մինչև 18 տարեկանների առաջնությունում...

Նիկոլ Փաշինյանը Մոսկվայում պետական բարձր պարգև կհանձնի Նիկիտա Սիմոնյանին

Հոկտեմբերի 25-ին Մոսկվայում վարչապետ Նիկոլ Փաշինյանը լեգենդար ֆուտբոլիստ և վաստակավոր մարզիչ Նիկիտա Սիմոնյանին կհանձնի «Հայրենիքին մատուցած ծառայությունների համար» 1-ին աստիճանի շքանշանը: Այս մասին հայտնել է ArmSport.am կայքը: Մինչ այս Նիկտա Սիմոնյանը արժանացել է Հայաստանի պետական մի շարք պարգևների, այդ թվում` «Պատվո շքանշան»-ի, «Հայրենիքին մատուցած ծառայությունների համար» 1-ին աստիճանի մեդալի: Վարչապետը այդ օրը Մոսկվա է մեկնելու ԵԱՏՄ Միջկառավարական հանձնաժողովի նիստին մասնակցելու նպատակով։ ԽՍՀՄ բազմակի և Օլիմպիական չեմպիոն, ՖԻՖԱ-ի, ՈւԵՖԱ-ի և ՄՕԿ-ի ոսկե շքանշանի ասպետ և Ռուսաստանի ֆուտբոլի միության ներկայիս առաջին փոխնախագահ Նիկիտա Սիմոնյանին վարչապետ Փաշինյանը պետական պարգևը կհանձնի ՌԴ-ում ՀՀ դեսպանատանը:...

Համլետ Մնացականյանը 4-րդն է. Ծանրամարտի Եվրոպայի ԵԱ

Բուխարեստում ընթացող ծանրամարտի Եվրոպայի Մ20 և Մ23 առաջնության 5-րդ օրը մրցահարթակ է դուրս եկել Մ23 խմբում հանդես եկող 61 կգ քաշային ծանրորդ Համլետ Մնացականյանը: Մեր ծանրորդն այնքան էլ հաջող ելույթ չի ունեցել և ընդամենը 6 մարզիկների պայքարում երկամարտի 250 կգ արդյունքով գրավել է 4-րդ տեղը: Պոկում վարժությունում Համլետը ցույց է տվել 110 կգ (5-րդ տեղ), իսկ հրում վարժությունում 140 կգ (4-րդ տեղ) արդյունք: Հիշեցնենք, որ առայժմ մեր հավաքականն ունի մեկ փոքր ոսկե մեդալ, որը նվաճել է Մ20 խմբում հանդես եկած 55 կգ քաշային Մոնթե Մխիթարյանը: Երկամարտում Մոնթեն զբաղեցրել էր 5-րդ հորիզոնականը:...

Լևոն Արոնյանը կես միավորով հետ մնաց առաջատարներից. Grand Swiss 2019

Ավարտվեց FIDE Chess.com Grand Swiss 2019 հեղինակավոր մրցաշարը, որին մասնակցեցին նաև 8 հայ գրոսմայստերներ: Վերջին 11-րդ տուրում մեր շախմատիստներից ոչ մեկը հաղթանակ չտարավ: Ռոբերտ Հովհաննիսյանը և Էլինա Դանիելյանը պարտություններ կրեցին, իսկ Լևոն Արոնյանը, Հրանտ Մելքումյանը, Կարեն Մովսիսյանը, Վլադիմիր Հակոբյանը, Գաբրիել Սարգսյանը և Սերգեյ Մովսեսյանը ոչ-ոքի խաղացին: Լրացուցիչ գործակիցներով մրցաշարի հաղթող ճանաչվեց չինացի Վանգ Հաոն, որին 7-րդ տուրում հաղթել էր Արոնյանը, իսկ երկրորդը ճանաչվեց Կարուանան: Նրանցից կես միավորով հետ մնաց Լևոն Արոնյանը, որը լրացուցիչ գործակիցներով դարձավ 4-րդը, սակայն առաջ անցավ աշխարհի չեմպիոն Մագնուս Կարլսենից: Մեր շախմատիստների վերջնական արդյունքները հետևյալն են՝ 4. Լևոն Արոնյան – 7,5 21. Հրանտ Մելքումյան – 6,5 3...

Մխիթարյանը գրեթե վերականգնվել է, բայց դեռ կմնա պահեստայինների նստարանին

«Ռոմայի» պաշտոնական կայքը հայտնել է, որ Հենրիխ Մխիթարյանը բաց կթողնի 8-րդ տուրի «Սամպդորիայի» հետ հանդիպումը: Խաղադաշտ դուրս չի գա նաև Չենգիզ Ունդերը: Հաղորդվում է, որ նրանք գրեթե վերականգնվել են վնասվածքներից հետո, սակայն դեռ չեն կարող օգնել ակումբին: Հիշեցնենք, որ Հենրիխ Մխիթարյանը վնասվածք էր ստացել «Ռոմա»-«Լեչե» հանդիպման վերջին րոպեներին: Այդ պատճառով Մխիթարյանը չկարողացավ մասնակցել նաև Լիխտենշտեյն-Հայաստան և Ֆինլանդիա – Հայաստան խաղերին: Շատ մասնագետներ Հայաստանի հավաքականի անհաջող խաղը կապեցին հենց Մխիթարյանի բացակայության հետ:...